Azərbaycan milli komandasının kapitanı Rəşad Sadıqov Qətər yığması ilə qarşıdakı yoldaşlıq görüşü haqda fikirlərini bildirib.
Sportnet.az-ın məlumatına görə, 35 yaşlı müdafiəçi bu matçın millimiz üçün faydalı olacağını sayır: "Yoldaşlıq görüşü olmasına baxmayaraq, bizim üçün çox vacib oyun olacaq. Bildiyiniz kimi, 3 həftə sonra Almaniyaya qarşı rəsmi matçımız var. Millinin üzvləri 4-5 aydır bir yerdə oynamır. Buna görə də yoxlama baxımından bizim üçün vacib görüş olacaq. Nəticə də olmasa, oyunun özü bizim üçün önəmlidir. Bu da ilk növbədə xətlər arasında əlaqə, futbolçular arasında meydanda anlaşma sarıdandır".
Xatırladaq ki, millimiz bu il ilk oyununu martın 9-da Qətərin paytaxtı Dohada keçirəcək.
