"Amit komandaya gələndən özünə əsas heyətdə yer edə bilib. Mən onu komandamızın ən güclü futbolçularından hesab edirəm".
Bu sözləri Sportnet.az-a açıqlamasında Yunanıstanın "Larissa” klubunun müdafiəçisi və azərbaycanlı futbolçu Amit Quluzadənin komanda yoldaşı Pavol Farkaş deyib. Slovakiya millisinin sabiq futbolçusunun fikrincə, Quluzadə bir müddət sonra əsas heyətdə də yerini möhkəmləndirəcək. Farkaş bildirib ki, Quluzadə Azərbaycan millisinə də kömək edə bilər: "Gənc olmasına baxmayaraq, çox təcrübəlidir və mərkəzdə yaxşı işlər görür. Məncə, milliyə cəlb edilə bilər".
2014/2015 mövsümündə "Qəbələ” forması geyinmiş Farkaş sabiq komandasını izlədiyini də söyləyib: "Qəbələ”dəki vaxtlarımı yaxşı xatırlayıram. Həmin vaxt biz yaxşı çıxış edirdik. İndinin özündə də "Qəbələ” çempionluq uğrunda mübarizə aparır. Sabiq komandama ancaq uğurlar arzu edirəm”.
