"Tvente" Hollandiya çempionatında ardıcıl 3-cü matçında qələbəyə həsrət qalıb. Sportnet.az-ın məlumatına görə, NAC "Breda" ilə səfər matçında da heç-heçə qeydə alınıb - 1:1.
Hesabı 17-ci dəqiqədə Luk Kastanyos açıb. Zədəsini yenicə bərpa edən Andreas Byelland 55-ci dəqiqədə ikinci sarı vərəqənin ardından "Tvente"ni azlıqda qoyub. Bundan sonra meydan sahibləri say üstünlüyündən yararlanmağı bacarıblar və 90+2-ci dəqiqədə bərabərlik qolunu vurublar.
"Tvente" matça bu heyətlə çıxıb: Marsman, Martina, Laxman, Byelland, Koppers, Mokotyo, Ebesilyo, Ziyex (70′ Brökers), Moxtar, Kastanyos (48′ Börven), Kusk (60′ Benqtsson).
Qeyd edək ki, əvvəlki 2 turda "Tvente" səfərdə "Kambür"lə 1:1, evdə "Ado Den Haaq"la 2:2 hesablı heç-heçə edib. Hazırda "Qarabağ"ın rəqibi turnir cədvəlinin ortalarında qərarlaşıb.
____________________________________________________________________________________________________________________________________
14:43. "Tvente"nin baş məşqçisi arxayındır
