Belçika milli komandasının və İngiltərənin "Çelsi" klubunun qapıçısı Tibo Kurtua sevgilisi Marta Domingeslə ayrıldığını təsdiqləyib.
Sportnet.az-ın məlumatına görə, ayrılıq Domingesin hamiləliyinin 8-ci ayında baş verib. Kurtua birgə qərar verdiklərini bildirərək, səbəb kimi sıx qrafikini və sevgilisinə lazımi səviyyədə qayğı göstərə bilməməsini göstərib. Lakin o, Nikolay adı verdikləri gələcək övladlarının prioritet olaraq qalacağını vurğulayıb.
Qeyd edək ki, cütlük hələ Tibo Kurtua İspaniya "Atletiko"sunda forma geyindiyi vaxt tanış olub. Artıq onların Adriana adlı qızı var. Onun 2 aydan sonra 2 yaşı tamamlanacaq. Bir neçə il əvvəl Kurtua öz sevgilisinə Belçika yığmasındakı komanda yoldaşı Kevin De Brüynenin rəfiqəsi ilə xəyanət edib.
