Avropa Liqasınında "Qarabağ”la eyni qrupda yer alan Fransanın "Sent-Etyen" komandasının baş məşqçisi Kristof Qalte F qrupunu dəyərləndirib. Sportnet.az-ın məlumatına görə, təcrübəli mütəxəssis rəqiblərindən olan Ağdamın "Qarabağ” klubunu tanımadığı bildirib:
"Ortabab qrupa düşmüşük. "İnter" haqda nəsə deməyə ehtiyac yoxdur. Hər kəs bu klubun gücünə bələddir. "Dnepr" də güclü komandadır. Azərbaycan komandasını isə tanımıram. Ancaq köməkçilərim bu və digər iki rəqib haqda məlumat toplamağa başlayıblar. Biz çox səyahət edəcəyik. Hədəfimiz var. Turnirə qədər hazır olmalıyıq".
