"Serbiyadakı oyundan sonra Bakıdakı matçda da qalib gəldik. Rəqib meydançasındakı qələbənin təsadüfi olmadığını da göstərdik". Bu sözləri Sportnet.az-a açıqlamasında "İnter"in yarımmüdafiəçisi Fuad Bayramov "Mladost"la cavab görüşü haqda danışarkən deyib.
Bayramov "İnter"in üçüncü mərhələyə də çıxacaq gücdə olduğunu bildirib. Onun fikrincə, komandası ikinci mərhələdə Lüksemburqun "Fola" klubunu mübarizədən kənarlaşdıra bilər. Rəqib Lüksemburq təmsilçisi olsa da, "İnter" görüşə ciddi çıxacaq. Bayramov rəqibi ciddiyə aldıqlarını söyləyib: "Lüksemburq təmsilçisi ilə oynamağımız bizi arxayınlaşdırmır. Çünki indi bütün komandalar güclü oynayır, zəif komanda qalmayıb.
Düzünü desəm, "Fola" komandası barədə heç bir məlumatım yoxdur. Əsas "Mladost"la oyunu düşünürdük. Onları keçdikdən sonra "Fola"nı yaxşı analiz edəcəyik. Matça hələ var və biz "Fola"nı yaxşı analiz edib matça qələbə üçün çıxacağıq. Ümidvaram ki, biz üçüncü mərhələyə də adlayacağıq".
