"Dinamo” ilə oyunlar asan keçmədi. Amma yorulduğumuzu da deyə bilmərəm”. Bunu Sportnet.az-a açıqlamasında "Yagelloniya”nın müdafiəçisi Taras Romançuk deyib.
Polşa klubunun aparıcı üzvlərindən sayılan Romançuk Avropa Liqasının ikinci mərhələsini də uğurla keçəcəklərinə ümidlidir. Ukraynalı stoper "Qəbələ”ni güclü rəqib hesab edir və işlərinin çətin olduğunu düşünür: "Təbii ki, iki il ard-arda Avropa Liqasının qrup mərhələsinə düşən rəqibə qarşı oynamaq çətin olacaq. Amma mümkünsüz də bir şey yoxdur. Ümidim var ki, biz üçüncü mərhələyə adlayacağıq. Güclü azarkeş dəstəyimiz var və onların dəstəyi lazımdır bizə. İlk görüşümüz səfərdədir və həmin oyundan sərfəli nəticə ilə ayrılmağa çalışacağıq”.
