"Qəbələ” komandasının futbol üzrə Avropa Liqasının II təsnifat mərhələsində Polşa təmsilçisi "Yagelloniya" ilə evdə keçirəcəyi ilk oyun üçün biletlər bu gün saat 15:00-dan etibarən satışa çıxarılacaq.
Klubdan Sportnet.az-a verilən məlumata görə, biletləri Tofiq Bəhramov adına Respublika stadionunun və "Bakcell Arena"nın kassalarından almaq olar.
Qiymətlər sektorlardan asılı olaraq, 1 - 2 manat, VİP sektorlar üçün isə 10 manatdır.
Qeyd edək ki, iyulun 13-də "Bakcell Arena"da keçiriləcək "Qəbələ" - "Yagelloniya" matçı saat 21:00-da başlayacaq.
