"Kəpəz”in əsas komandası mövsüm öncəsi hazırlıq mərhələsinin ikinci hissəsini Türkiyədə keçirəcək.
Sportnet.az-ın məlumatına görə, iyulun 15-dən 25-nə kimi Ərzurumda təlim-məşq toplanışında olacaq "sarı-göylər” 3 yoxlama oyununa çıxacaq.
Yoldaşlıq matçlarının təşkili ilə məşğul olan menecerlər tərəfindən Gəncə klubuna 7 rəqib təklif olunub. Bunlar "Samsunspor”, "Ərzurumspor”, "Hatayspor”, "Karacabəyspor”, "Urfaspor”, "Ankaragücü” və "Elazığspor” klublarıdır.
Komandanınn məşqçilər korpusu müəyyən məsləhətləşmələrdən sonra yoxlama oyununda rəqib qismində görmək istədiyi klubların siyahısını menecerlərə təqdim edib.
Qeyd edək ki, "Kəpəz” Bakıda reallaşdırdığı təlim-məşq toplanışında iki yoxlama matçı keçirib. Gəncə təmsilçisi "Bakı” (2:1) və "Neftçi”ni (2:0) məğlub edib.
