"Qarabağ" komandası Gürcüstan "Samtredia"sı ilə Çempionlar Liqasının II təsnifat mərhələsinin cavab görüşündə iştirak etmək üçün Tbilisiyə bu axşam yollanacaq.
Klubdan Sportnet.az-a verilən məlumatına görə, Bakı - Tbilisi reysi ilə səfərə çıxacaq heyətdə kapitan Rəşad Sadıqov da yer alıb. Lakin o, meydana çıxa bilməyəcək. Bakıdakı ilk matçda dizindən zədələnən Sadıqovun 10 günədək sıradan çıxdığı müəyyənləşib.
Qeyd edək ki, iyulun 18-də Boris Payçadze adına "Dinamo" arenasında keçiriləcək "Samtredia" - "Qarabağ" matçı saat 21:00-da başlanacaq. İlk görüşdə "Qarabağ" 5:0 hesabı ilə qalib gəlib.
