"Sumqayıt" komandası 2017-2018 mövsümünə hazırlığın ikinci mərhələsi çərçivəsində Türkiyənin Bolu bölgəsində ilk yoxlama matçını keçirib. Sportnet.az-ın məlumatına görə, rəqib Super Liqa təmsilçisi "Osmanlıspor" olub.
İlk hissə ümumilikdə bərabər səviyyədə keçib. Hər iki komanda surətli oyunu ilə diqqət çəkib. Qarşılaşmada ilk təhlükəli vəziyyəti "Sumqayıt" yaradıb. Rəşad Eyyubovdan ötürmə alan Amil Yunanov qapıçı ilə üz-üzə qalsa da, "Osmanlıspor"un qolkiperi Hakan Arıkan daha dəqiq oynayıb. Qarşılaşmanın 16-cı dəqiqəsində "Sumqayıt" hesabı açıb. Cavid İmamverdiyevin cinah ötürməsindən sonra Amil Yunanov baxımlı qola imza atıb. Qoldan 2 dəqiqə sonra Yunanov əlverişli vəziyyətdən yararlana bilməyib. 24 və 26-cı dəqiqələrdə isə "Osmanlıspor" 2 qol vuraraq hesabda irəli çıxıb. Tonia Tisdell iki baxımlı qolla "dubl" edib.
İkinci hissədə hər iki komanda oyunçu dəyişikləri edib. Meydanda bərabər səviyyəli oyun gedib və qapılara başqa qol vurulmayıb. Bununla da "Sumqayıt" 1:2 hesabı ilə uduzub.
Yoxlama oyunu
Qızılcahamam, Patalya
"Sumqayıt" FK - "Osmanlıspor" 1:2
Qollar: Amil Yunanov, 16 - Tonia Tisdell, 24, 26.
Baş hakim: Yaşar Kemal Uğurlu.
"Sumqayıt" bu heyətlə çıxış edib:
1. Fərhad Vəliyev, 3. Vurğun Hüseynov, 14. Bəxtiyar Həsənalızadə, 19. Azər Salahlı, 18. Tural Axundov, 6. Kamal Mirzəyev, 97. Xəyal Nəcəfov, 32. Rəşad Eyyubov, 7. Cavid Tağıyev, 10. Cavid İmamverdiyev, 9. Amil Yunanov.
Oyuna sonradan daxil olanlar:
23. Mehti Cənətov, 2. Rail Məlikov, 13. Bəhlul Mustafazadə, 5. Vüqar Bəybalayev, 8. Nicat Muxtarov, 90. Ramil Həsənov, 11. Ehtiram Şahverdiyev, 39. Tural Bayramlı, Məhəmməd Alıyev, Ramil Orucov.
Baş məşqçi: Samir Abasov.
"Osmanlıspor" bu heyətlə çıxış edib:
12. Hakan Arıkan, 3. Lukasz Szukala, 28. Hasan Kılıç, 40. Turqay Kaçar, 26. Takayuki Seto, 20. Luiz Karlos Martins Moreyra, 17. Daniel Karoly Regattin, 30. Tania Tisdell, 24. Raul Rusesku, 9. Cheick Diabate, 25. Mehmet Umtu Nayir.
Oyuna sonradan daxil olanlar:
1. Zydranus Karçemarskas, 61. Numan Çürüksu, 21. Vaclav Prochazka, 2. Avdija Vrsajeviç, 6. Mehmet Güven, 33. Muhammed Bayır, 35. Musa Çağıran, 3. Adovale Laval, 27. Aminu Umar, 7. Serdar Gürler, 39. Bifouma Koulossa.
Baş məşqçi: Bülent Uygun.
