"Əlbəttə, qalib gəlməyimiz yaxşıdır. Lakin daha çox qol vura bilərdik. Ümid edirəm ki, səfərdə bunu bacaracağıq”.
Sportnet.az xəbər verir ki, bunu Avropa Liqasının III təsnifat mərhələsinin ilk oyununda "Qəbələ” üzərində qələbəni şərh edən Yunanıstan təmsilçisi "Panatinaikos”un futbolçusu Xristos Donis deyib.
24 yaşlı yarımmüdafiəçi hesab edir ki, növbəti mərhələyə vəsiqə qazanacaqlar: "Qarşıdakı cümə axşamı baş tutacaq cavab oyununda növbəti mərhələyə vəsiqəni təmin etmək istəyiri. Daha yaxşı nəticə əldə edə bilmədiyimiz üçün məyusuq. Düzdür, ümumi götürdükdə pis deyil. Üstəlik, "Qəbələ” ilə matçın yeni mövsümdə ilk rəsmi oyunumuz olduğunu da unutmamalıyıq. Bizi dəstəklədikləri üçün azarkeşlərimizə də minnətdarıq”.
Qeyd edək ki, bu kollektivlər arasında cavab görüşü avqustun 3-də Bakıdakı "Bakcell Arena"da keçiriləcək.
