Bu gün Azərbaycan Premyer Liqasının 2017/2018 mövsümünün püşkatma mərasimi keçirilib.
Sportnet.az-ın məlumatına görə, AFFA-nın inzibati binasında təşkil olunan tədbirdə Peşəkar Futbol Liqasının prezidenti Ramin Musayev, qurum baş direktoru Məlik Həsənov, Texniki İdman Şöbəsinin rəisi Zamiq Hüseynov, klub nümayəndələri və jurnalistlər iştirak ediblər.
Püşkə əsasən I turda bu oyunlar baş tutacaq: "İnter”- "Qəbələ", "Neftçi” - "Qarabağ”, "Sumqayıt” – "Kəpəz, "Zirə" – "Səbail”.
Qeyd edək ki, Azərbaycan Premyer Liqasına avqustun 11-də start verilməsi nəzərdə tutulub. Belə olarsa, açılış həftəsinin matçları üç günü əhatə edəcək.
-------------------------------------------
Bu gün futbol üzrə Azərbaycan Premyer Liqasında 2017-2018 mövsümünün püşkatma mərasimi keçiriləcək. Sportnet.az-ın məlumatına görə, tədbir AFFA-nın binasında təşkil olunacaq.
Saat 12:00-da başlanacaq mərasimə Peşəkar Futbol Liqasının prezidenti Ramin Musayevlə elitada mübarizə aparacaq 8 klubun rəsmiləri qatılacaqlar. Həmin klublar "Qarabağ", "Qəbələ", "İnter", "Zirə", "Sumqayıt", "Kəpəz", "Neftçi" və debütant "Səbail"dir. İlk turun oyunları 12-13 avqustda nəzərdə tutulub.
