"Neftçi”nin sol
cinah müdafiəçisi Bruno Bertuççi Braziliyanın "A” Seriyası klubunun hədəfindədir. Bu
barədə Sportnet.az-a Azərbaycan Kubokunun qalibinin vitse-prezidenti
Tahir Süleymanov məlumat verib.
Sabiq FİFA referisi braziliyalı müdafiəçinin "Neftçi”yə
məxsus olduğunu, lakin müəyyən şərtlər əsasında onu buraxmağa hazır olduqlarını
gizlətmədi: "Neftçi”nin qapıları hər bir klubun üzünə açıqdır. Bəli, Bruno
Braziliyanın "A” Seriyası klublarından birinin hədəfindədir. Həm də o, ailə həyatı qurmağı planlaşdırır. Əgər
bizi qane edən təklif irəli sürsələr, Bertuççini verməyə hazırıq”.
