Danimarkanın "Kopenhagen" klubu Çempionlar Liqasının "pley-off" mərhələsində keçirəcəyi oyunlarla əlaqədar "Qarabağ" azarkeşlərinə müraciət edib.
Sportnet.az-ın məlumatına görə, bununla bağlı klubun saytında rəsmi açıqlama yerləşdirilib.
Ağdam komandası fanatlarına avqustun 23-də Bakı vaxtı ilə saat 22:45-də cavab görüşünün təşkil olunacağı "Parken" stadionunda daxili nizam-intizam, bölgü və təhlükəsizlik qaydaları çatdırılıb. O da vurğulanıb ki, qonaq komanda tərəfdarları biletləri yalnız "Qarabağ" klubu vasitəsilə əldə edə bilərlər.
"Parken" stadionu 38 min tamaşaçı tutumuna malikdir. Bu isə o deməkdir ki, "Qarabağ" azarkeşləri üçün 1900 nəfərlik sektor ayrılacaq.
Qeyd edək ki, iki komanda arasındakı ilk oyun avqustun 15-də Bakıdakı Tofiq Bəhramov adına Respublika stadionunda keçiriləcək. Oyun saat 20:00-da başlanacaq.
