"Kəpəz" və "Səbail" klubları futbol üzrə Azərbaycan Premyer Liqasının 2017/2018 mövsümündə ilk dövrədəki ev oyunlarını başqa stadionlarda keçirəcəklər.
Sportnet.az-ın məlumatına görə, bu barədə Klublar Komitəsinin sədri Kamran Quliyev bildirib.
O deyib ki, sözügedən klubların ev oyunlarını keçirdiyi stadionlar hazırda təmirdə olduğu üçün alternativ varinata müraciət olunacaq: "Bu klublar rəqiblərini harada qəbul edəcəklərinə özləri qərar verəcək. Onlar ilk dövrədəki oyunlarının hamısını səfərdə keçirməyəcəklər. Yəni, təqvimə dəyişiklik edilməyəcək".
Qeyd edək ki, "Səbail" ev oyunlarını "Bayıl Arena"da, "Kəpəz" isə Gəncə şəhər stadionunda keçirir.
