"Qəbələ" klubu futbol üzrə 2017/2018 mövsümünə qələbə ilə başlayıb. Sportnet.az-ın məlumatına görə, əyalət təmsilçisi Azərbaycan Premyer Liqasının I turu çərçivəsində səfərdə "İnter"i məğlub.
"İnter Arena"da baş tutan oyun qonaqların 2:1 hesablı qələbəsi ilə yekunlaşıb. "Qəbələ"nin qollarına Elvin Məmmədovla Filip Ozobiç imza atıblar. Meydan sahiblərinin yeganə qolunu isə Pərdis Fərcad-Azad vurub.
Qeyd edək ki, mövsümün açılış oyununda "Qarabağ" "Neftçi"ni 3:1 hesabı ilə məğlub edib. Hesabat turuna avqustun 13-də keçiriləcək "Zirə" - "Səbail" və "Sumqayıt" - "Kəpəz" matçları ilə yekun vurulacaq.
Azərbaycan Premyer Liqası, I tur
12 avqust (şənbə)
20:00. "İnter” – "Qəbələ” - 1:2
Qollar: Pərdis Fərcad-Azad, 70 - Elvin Məmmədov, 13. Filip Ozobiç, 24-penalti ilə
Hakimlər: Ömər Paşayev, Namiq Hüseynov, Mehman Mahmudov, Rauf Cabbarov
AFFA nümayəndəsi: Ramiz Mustafayev
Hakim-inspektor: Asim Xudiyev
Bakı, "İnter Arena”
-----------------------------------------------------------
Bu gün futbol üzrə Azərbaycan Premyer Liqasında ilk turun daha bir oyunu keçiriləcək. Sportnet.az-ın məlumatına görə, Bakı "İnter"i "Qəbələ"ni qəbul edəcək.
"İnter Arena"da təşkil olunacaq qarşılaşmanı FİFA referisi Ömər Paşayev idarə edəcək.
Hər iki komanda ötən mövsümü mükafatçılar sırasında başa vurub. Lakin həm gümüş medalçı "Qəbələ", həm də bürünc medal sahibi "İnter" Avropa Liqasında cəmi bir rəqibi üstələməyi bacarıb. "Qırmızı-qaralar" mövsümlərarası fasilə müddətində xeyli yeni oyunçu transfer edə bilibsə, paytaxt təmsilçisi FİFA-nın məlum transfer qadağası üzündən mövcud heyətini qorumağa çalışıb.
Qeyd edək ki, çempionata avqustun 11-də "Neftçi" - "Qarabağ" matçı ilə start verilib. Görüş Ağdam komandasının qələbəsi ilə yekunlaşıb - 3:1.
