Rusiya milli komandasının futbolçusu Aleksandr Kerjakov Azərbaycan millisinə vurduğu qolları bu yaxınlarda dünyasını dəyişən 16 yaşlı uşağa həsr edib.
Sportnet.az-ın məlumatına görə, rusiyalı hücumçu millimizlə yoldaşlıq görüşündən sonra bu barədə açıqlama verib.
O deyib: "Azərbaycan millisinə vurduğum 2 qolu avqustda Moskva reabilitasiya mərkəzində tanış olduğum Lyoşaya həsr edirəm. O, heç 16 yaşı tamam olmadan bizi tərk etdi, amma mən bilirdim ki, Lyoşanın ruhu yuxarıdan bizi izləyir”.
Qeyd edək ki Aleksandr Kerjakov millimizə qarşı keçirilən yoldaşliq oyununda 2 qol vurmaqla Rusiya millisinin heyətində ən çox qol vuran (28) oyunçu adını da qazanıb.
