"Neftçi” klubu 2018-ci il dünya çempionatının seçmə mərhələsininin oyunları ilə bağlı Azərbaycan Premyer Liqasında yaranmış fasilə zamanı yoxlama görüşləri keçirəcək.
Sportnet.az-ın paytaxt klubunun rəsmi saytına istinadən verdiyi məlumata görə, "ağ-qaralar” sentyabrın 2-də MOİK, ayın 5-də isə əvəzedici heyətlə qarşılaşacaq.
Hər iki matç İsmət Qayıbov adına təlim-məşq bazasının meydançasında keçiriləcək və saat 17:00-da başlanacaq.
Qeyd edək ki, "Neftçi” Premyer Liqanın 3 turundan sonra 1 xalla 7-ci pillədə qərarlaşıb.
