"Barselona" Koutinyonu ala bilməsə, onun əvəzində "Arsenal"ın futbolçusu Məsut Özili transfer etməyə çalışacaq.
Sportnet.az "goal.com"a istinadən məlumat verir ki, Kataloniya təmsilçisi "Liverpul"u razı sala bilməsə, Özil üçün "elçi" düşəcək. Mövsümün sonunda "topçular"la müqaviləsi bitəcək türk əsilli futbolçu üçün "Barselona"nın 60 milyon avroluq transfer təklifi edəcəyi gözlənilir.
Qeyd edək ki, Özil 2013-cü ilin yayında Madrid "Real"ından "Arsenal"a transfer edilmişdi.
