"Zirə” klubu Sadio Tounkara ilə müqavilə imzalayıb.
Sportnet.az-ın məlumatına görə, bu barədə məlumat klubun sosial şəbəkədəki səhifəsindən paylaşılıb. Azərbaycan Premyer Liqasının yeni mövsümünə uğurlu başlayan "Zirə” daha bir futbolçu ilə güclənib. Sadio Tounkara bu gündən "qartallar”ın düşərgəsinə qoşulub. 25 yaşlı futbolçu ilə iki illik müqavilə imzalanıb.
Sadio Tounkara azərbaycanlı futbolsevərlərə tanış simadır. Malili yarımmüdafiəçi daha öncə ölkəmizdə "Xəzər Lənkəran” və AZAL klublarının şərəfini qoruyub. Tounkara Azərbaycan və Mali ilə yanaşı, Kipr çempionatında da çıxış edib.
