"Danışıqlar aparıldı, razılaşdıq və müqavilə bağladıq. Bu keçidə çox şadam".
Sportnet.az-ın məlumatına görə, bunu Azərbaycan milli komandasının futbolçusu Ramil Şeydayev "Qarabağ"a keçidini dəyərləndirərkən deyib. 21 yaşlı hücumçu məqsədinin əsas heyətdə oynamaqdan ibarət olduğunu bildirib: "Bu barədə düşünmürəmsə, niyə bura gəlmişəm və futbolu niyə oynayıram?"
Gənc forvard "Qarabağ"ın baş məşqçisi Qurban Qurbanovla hələ söhbətinin olmadığını da əlavə edib.
Qeyd edək ki, Ramil Şeydayev "Qarabağ"a Türkiyə "Trabzonspor"undan icarə əsasında keçib. Onunla bir illik müqavilə bağlanılıb.
