"Zirə" klubu futbolçusu Kervan Belforla yollarını ayırıb.
Sportnet.az xəbər verir ki, bu barədə "Report”a paytaxt komandasının baş məşqçisi Ayxan Abbasov bildirib.
25 yaşlı hücumçu Azərbaycan Premyer Liqasında IV turun "Qəbələ” ilə oyunu üçün səfərə aparılmayıb. A.Abbasov vidalaşdıqları haitili futbolçunun bir illik müqavilə imzaladığı Hindistanın "Jamşedpur" klubunun düşərgəsinə yaxın günlərdə yollanacağını deyib.
Qeyd edək ki, Kervan Belfor "Zirə"də iyunun 16-dan çıxış edir. O, həmin vaxt 1+1 illik sözləşməyə imza atıb. Haiti millisinin futbolçusu Azərbaycan klubunun heyətində Avropa Liqası matçlarında da iştirak edib və 1 qol vurub. Belfor Azərbaycan Premyer Liqasının ilk iki turunda meydana çıxsa da, "Sumqayıt”la son görüşdə ehtiyatda qalıb.
