"Qarabağ"ın İspaniya "Atletiko"su ilə keçirəcəyi Çempionlar Liqasının qrup mərhələsinin III tur matçına satılan biletlərin sayı 15 min nəfərə çatıb. Sportnet.az-ın məlumatına görə, bu barədə Ağdam klubunun rəsmi "facebook" səhifəsi məlumat yayıb.
Satış məntəqələri Asan Xidmət Mərkəzləri, Heydər Əliyev Sarayının kassası, "28 Mall", "Gənclik Mall", "Park Bulvar" (Qarabağ FK Fanshop), M.Rəsulzadə 3 (Azərb. k/t yaxınlığı), Bül-bül prospekti, Nizami küç. (Nizami k/t yaxınlığı) və Üzeyir Hacıbəyov küç.69x (Hökümət evinin arxası) ünvanlarında yerləşir.
Qeyd edək ki, oktyabrın 18-də Bakı Olimpiya Stadionunda keçiriləcək "Qarabağ" - "Atletiko" matçı saat 20:00-da başlanacaq.
