Bu yay Portuqaliyanın II liqasının B divizionda mübarizə aparan "Louletano"ya transfer olunan azərbaycanlı futbolçu Valeh Seyidov yeni klubunda ilk qolunu vurub.
Sportnet.az-ın məlumatına görə, 21 yaşlı forvard "Moura"ya qarşı keçirilən yoxlama matçında fərqlənib. 90 dəqiqə meydanda olan Seyidov "Louletano"nın 6:0 hesablı qələbəsi ilə yekunlaşan matçda komandasının beşinci qolunu vurub.
Qeyd edək ki, Valeh Seyidov "Bakı"nın yetirməsidir.
