Çempionlar Liqasının qrup mərhələsinin IV turunda İspaniyada "Atletiko"nun qonağı olacaq "Qarabağ" komandası artıq Madriddədir.
Sportnet.az-ın məlumatına görə, Ağdam təmsilçisi səfərə üzərində "Karabakh" ("Qarabağ") yazılmış təyyarə ilə yollanıb. AZAL-a məxsus bu təyyarə ötən tur "Atletiko"nu Bakıya gətirmişdi.
Qeyd edək ki, oktyabrın 31-də "Metropolitano" stadionunda keçiriləcək "Atletiko" - "Qarabağ" matçı Bakı vaxtı ilə saat 23:45-də başlanacaq.
