"Qəbələ”nin sabiq baş məşqçisi Yuri Syomin fəaliyyətini Rusiyada davam etdirəcək. Sportnet.az-ın məlumatına görə, Syomin I divizionda qalib gələrək, Premyer Liqaya vəsiqə qazanmış Saransk "Mordoviya”sının "sükanı arxası”na keçib.
Qeyd edək ki, Yuri Syominin rəhbərliyi altında "Qəbələ" tarixində ilk dəfə Azərbaycan çempionatının bürünc medalını qazanıb və Avropa Liqasına vəsiqə qazanıb. 67 yaşlı mütəxəssis Azərbaycan Kubokunun final qarşılaşmasında "Neftçi"yə penaltilər seriyasında məğlubiyyətdən sonra istefa verib.
