"Zirə"nin sabiq futbolçusu Akim Latifu karyerasını yenidən Norveç çempionatında davam etdirəcək. Sportnet.az-ın məlumatına görə, nigeriyalı müdafiəçi I Liqada mübarizə aparan "Soqndal" klubu ilə 2019-cu ilədək müqavilə bağlayıb.
29 yaşlı oyunçu Norveçə ilk dəfə 2010-cu ildə yollanıb. O, "Strömqodset", Hödd" və "Olesun" komandalarında çıxış edib. "Zirə"də isə Latifu 2017-ci ilin yanvarından iyulunadək forma geyinib. Təcrübəli müdafiəçinin son klubu Macarıstan "Honved"i olub.
Qeyd edək ki, "Soqndal" ötən mövsüm Norveçin Elit Seriyasını 14-cü pillədə başa vuraraq, aşağı liqaya enib.
