Atletika üzrə 8 qat olimpiya çempionu Useyn Bolt Beynəlxalq Fövqəladə Uşaqlara Yardım Fondu (UNİCEF) üçün İngiltərədə təşkil olunan "Soccer Aid" adlı xeyriyyə matçında iştirak edəcək.
Sportnet.az xəbər verir ki, bu məlumatı 32 yaşlı yamaykalı sprinter şəxsi hesabından paylaşıb.
"UNİCEF üçün "Soccer Aid" xeyriyyə matçında çıxış edəcəyim üçün çox həyəcanlıyam".
Qeyd edək ki, sözügedən qarşılaşma iyunun 10-u "Mançester Yunayted"in stadionu "Old Trafforda" baş tutacaq. İngiltərə komandasının kapitanı müğənni Robbi Uilyams, Dünya yığmasının kapitanı isə Useyn Bolt olacaq. Turnirdə həmçinin, Zinəddin Zidan, Dieqo Armando Maradona, Luiş Fiqu və Ronaldinyo kimi məşhurların iştirak edəcəyi gözlənilir. Oyundan əldə olunan gəlir UNİCEF-ə bağışlanacaq.
