"70 dəqiqə pis oynamadıq. Qalan vaxt ərzində bəzi futbolçular yoruldu". Sportnet.az-ın məlumatına görə, bunu Azərbaycan milli komandasının baş məşqçisi Berti Foqts ABŞ yığması ilə yoldaşlıq görüşündən sonra deyib.
Foqts matç boyunca bir neçə futbolçunu yeni mövqelərdə sınaya bildiyini və bu imkanı əldə etməkdən şad olduğunu bildirib. O, təkcə müdafiəçilərimizin səhv etməsi fikri ilə razı olmadığını əlavə edib: "Yarımmüdafiə xəttində də səhvlər var idi. ABŞ yığmasının heyətində yüksək səviyyəli futbolçular var. Bizim gənc oyunçular üçün onlara qarşı mübarizə aparmaq yaxşı təcrübədir".
Foqts bu oyunun təşkilinə görə ABŞ tərəfinə təşəkkür etməyi də unutmayıb.
