İranda "Esteqlal" və "Persepolis" futbol komandaları arasındakı Tehran derbisini izləmək istəyən 35 qadın saxlanılıb.
Sportnet.az-ın məlumatına görə, xanım fanatlar oyundan sonra buraxılıblar. "Azadi" stadionunda keçirilmiş görüş "Esteqlal"ın qələbəsi ilə yekunlaşıb - 1:0.
Ölkənin Daxili İşlər Nazirliyinin nümayəndəsi bildirib ki, qadınlar həbs olunmayıb. Onun sözlərinə görə, zərif cinsin nümayəndələri "münasib yer"ə aparılıb. Xanımlar məhz bu oyunu görüşdə FİFA prezidenti Canni İnfantinonun da iştirakı ilə əlaqədar izləmək istəyiblər. Qadınlar oyunları izləmələrinə qadağanın qoyulduğunu futbol rəsmilərinin diqqətinə çatdırmaq niyyəti güdüblər.
Qeyd edək ki, İranda qadınların futbol matçlarına daxil olmalarına 1979-cu ildən qadağa qoyulub.
