Futbol üzrə Türkiyə kubokunun final qarşılaşmasının keçiriləcəyi stadionda dəyişiklik olub.
Sportnet.az-ın Türkiyə Futbol Federasiyasının rəsmi saytına istinadən verdiyi məlumata görə, yeni qərara əsasən final matçı Diyarbakırda baş tutacaq. Həlledici görüşün daha öncə Eskişehirdə keçiriləcəyi barədə məlumat yayılsa da, kubokun finalı tikintisi tam olaraq başa çatmayan "Diyarbakır Stadion"unda olacaq.
TFF-nin idarə heyəti ölkədəki yarışların təhlükəsiz şəraitdə reallaşdığını bütün dünyaya göstərmək üçün sözügedən qarşılaşmanın Diyarbakırda tikilən yeni stadionda olacağına qərar verib.
Qeyd edək ki, Türkiyə kubokunun finalı mayın 9-u keçiriləcək.
