Türkiyə milli komandasının futbolçusu Selcuq İnan heyətdən kənarlaşdırılıb.
Sportnet.az-ın Türkiyə Futbol Federasiyasının saytına istinadən verdiyi məlumata görə, səbəb yarımmüdafiəçinin zədəli olmasıdır.
"Qalatasaray"ın futbolçusu yığmanın heyətində dünən keçirilən məşqdə zədə alıb. 33 yaşlı futbolçunun müalicəsinə klubunda davam etməsi məsləhət görülüb. Selcuq İnan bu gün Antalyadan İstanbula qayıdacaq.
Qeyd edək ki, martın 24-u yoxlama oyununda İrlandiyanı 1:0 hesabı ilə məğlub edən Türkiyə yığması 27-i Monteneqro millisi ilə qarşılaşacaq.
