İspaniyanın "Barselona" La Liqada növbəti qələbəsinin "Rayo Vayekano" üzərində qazandı. Sportnet.az-ın məlumatına görə, Kataloniya təmsilçisinin 44 yaşlı məşqçisi Luis Enrike oyundan sonra fikirlərini mətbuata açıqlayıb.
İspaniyalı mütəxəsis oyundan razı qaldığını və Messi-Neymar tandeminin öz işini gördüyünü bildirib: "Matça yaxşı başladıq. Bu gün qarşılaşdığımız rəqib topla oynamağı sevən və kompakt komanda idi. Nəticədən razı qaldım. "Rayo Vayekano"nun cəsur oyun göstərdiyini bilirdik. Mən bunu əvvəl demişəm, amma "Barselona" oyunçularına məşqçilik etmək böyük imtiyazdır. Messi-Neymar tandemi yenidən özünü göstərdi. Gələcəkdə onlar çox işlər görəcəklər. Messi və Neymar arasında sərbəst və güclü əlaqə daha da yaxşılaşacaq".
