"Qəbələ" və "Kəpəz" komandaları arasında keçirilən Azərbaycan Premyer Liqasının XXV tur matçında insident baş verib.
Sportnet.az-ın məlumatına görə, ikinci hissənin ortasında qonaq komandanın qapısının arxasındakı tribunada yer alan fanatları ilə yerli azarkeşlər arasında "söz atışması" olub. Bu zaman təhqiramiz ifadələr işlədilib.
Polisin müdaxiləsindən sonra Gəncədən gələn fanatları sakitləşdirmək mümkün olub. Ancaq onlar hirslərini "Qəbələ"nin formasını cırmaqla çıxıblar. Hirsləri soyumayan qonaq azarkeşlər ardından doğma komandalarının ünvanına təhqiramiz ifadələr işlədiblər.
Qeyd edək ki, hazırda "Qəbələ" fasiləyədək vurduğu 3 cavabsız qolla qalib gəlir.
