Ardıcıl iki turdur İtaliya A Seriyasında məğlub olan "İnter" Valter Matsari ilə yoluna davam edəcək. Sportnet.az-ın məlumatına görə, bunu "Fiorentina" ilə oyundan sonra açıqlamasında Milan klubunun prezidenti Erik Tohir deyib.
İndoneziyalı iş adamı baş məşqçinin qovulma məsələsinin müzakirə movzusu olmadığını deyib: "Doğrudur, çox üzücü məğlubiyyətlər aldıq. Ancaq belə tez qərar vermək olmaz. Mən Matsariyə inanıram və onunla davam etməkdə qərarlıyam".
Qeyd edək ki, "nerazzuri" son iki turda meydanı darmadağınla tərk edib. Əvvəlcə evdə "Kalyari"yə boyun əyən milanlılar dünən Florensiyada 0:3 hesablı məğlubiyyətdən qaça bilməyiblər. "Qarabağ"ın Avropa Liqasının qrup mərhələsindəki rəqibi A seriyasının növbəti turunda daha ciddi sınaq qarşısında olacaq. Matsarinin komandası iddialı "Napoli" ilə üz-üzə gələcək.
