İspaniya La Liqasının XXXVI turunda "Barselona" və "Real Madrid" komandaları arasında El-Klasiko gerçəkləşib.
Sportnet.az-ın məlumatına görə, "Nou Kamp" stadionunda keçirilmiş qarşılaşma 2:2 hesablı heç-heçə ilə yekunlaşıb. Hesabı 10-cu dəqiqədə meydan sahiblərinin hücumçusu Luis Suares açıb. Bundan 4 dəqiqə sonra Kriştianu Ronaldu bərabərlik qolunu vurub. 52-ci dəqiqədə Lionel Messi "Barsa"nı yenidən önə keçirib. Lakin 72-ci dəqiqədə Qaret Beyl fərqlənərək, yekun nəticəni müəyyənləşdirib.
Kataloniya komandası 45-ci dəqiqədə Serxi Robertonun qırmızı vərəqə alması üzündən görüşü 10 futbolçu ilə başa vurmalı olub. Lakin "Real Madrid" ikinci hissədə say üstünlüyündən yararlana bilməyib. Digər tərəfdən, "kral klubu" 75 xalla ikinci pillədəki "Atletiko"nun məğlubiyyətindən lazımınca yararlana və xal fərqini minimuma endirə bilməyib. Lakin bu komandanın ehtiyatda bir oyunu qalır. Hazırda Zinəddin Zidanın baş məşqçi olduğu kollektiv 72 xalla 3-cü pillədədir. Xallarını 87-yə çatdıran "Barselona" isə çempionluğunu ötən tur təmin edib.
