20 yaşadək futbolçulardan ibarət Azərbaycan yığması bu gün ilk yoldaşlıq oyununda qüvvəsini sınayıb.
Sportnet.az-ın məlumatına görə, milli komanda gürcüstanlı həmyaşıdları ilə qarşılaşıb. Görüş qonaqların 2:1 hesablı qələbəsiylə başa çatıb. Hesabı Rəşad Sadıqovun baş məşqçi olduğu kollektiv açsa da, qonaqlar iki qol vuraraq, qalib gəliblər.
Azərbaycanın U-20 yığması mayın 24-də və 27-də Makedoniyanın U-21 millisi ilə 2 yoxlama oyununda qüvvəsini sınayacaq.
Yoldaşlıq görüşü
19:00. Azərbaycan U-20 - Gürcüstan U-20 - 1:2
Qollar: Ziya Əzizov, 66 - David Muciri, 79. David Samurkaşev, 83
Baş hakim: Əliyar Ağayev
Baş hakimin köməkçiləri: Zeynal Zeynalov, Akif Əmirəli
Dördüncü hakim: Vüqar Həsənli
"Dalğa Arena"
