Xorvatiyanın Riyeka şəhərində keçirilən 17 yaşadək futbolçulardan ibarət komandalar arasında 66-ci Kvarnerska Riviyera turnirində 1/4 final mərhələsinin oyunları keçirilib.
Sportnet.az-ın məlumatına görə, "Qəbələ”nin U-17 komandası yarımfinala vəsiqə uğrunda matçda Sloveniyanın "Olimpiya” klubu ilə qarşılaşıb. Gərgin və maraqlı oyun şəraitində keçən qarşılaşmanın taleyini 1 qol həll edib.
Minimal hesabla qalib gələn Lyublyana təmsilçisi yarımfinala yüksəlib. Turnirdə ilk məğlubiyyətini alan "Qəbələ” mübarizəni dayandırıb.
Xatırladaq ki, komanda qrupda Sloveniya "Domjale”si ilə qolsuz heç-heçə edib, Xorvatiya "Omişal”ını 2:0 hesabı ilə məğlubiyyətə uğradıb və yerli "Osiyek”lə sülhə imza atıb – 1:1.
