"Rəqib yaxşı oyun göstərdi. Bu oyun bizim üçün böyük təcrübə oldu".
Sportnet.az-ın məlumatına görə, bunu Azərbaycan milli komandasının futbolçusu Maksim Medvedev səfərdə Qazaxıstan yığmasına 0:3 hesabı ilə uduzduqları yoldaşlıq görüşündən sonra affa.az-a açıqlamasında deyib.
Təcrübəli müdafiəçi bildirib ki, Millətlər Liqası öncəsi belə rəqiblə mübarizə aparmaq vacibdir: "Təbii ki, belə rəqiblə oyunlar qarşıda bizim yaxşı oyun göstərməyimiz baxımından üstünlükdür. Millətlər Liqasında müxtəlif oyun üslüblarına malik komandalar var. Qazaxıstan yığması da o komandalardandır ki, özünəməxsus oyunu var”.
