Macarıstanın paytaxtı Budapeştdə 15 yaşadək futbolçular arasındakı Qallini Dünya Kubokunun ikinci oyun günündə qrup mərhələsinin son görüşləri və 1/4 final matçları keçirilib.
Sportnet.az-ın məlumatına görə, B qrupunda yer alan "Qəbələ” 2-ci oyununda İtaliya təmsilçisi "Venetsiya” ilə qarşılaşıb. İlk turda yerli "Dinamo Star”a 2:1 hesabı ilə qalib gələn "qırmızı-qaralar” bu dəfə meydanı xalsız tərk edib – 2:3. Azərbaycan komandasının qollarına Süleyman Damadayev və Vüsal Mirzəzadə imza atıb.
Qrup mərhələsini 2-ci pillədə başa vuran "Qəbələ” 1/4 finalda digər İtaliya təmsilçisi "Udineze” ilə görüşüb. 0:3 hesabı ilə uduzan "qırmızı-qaralar” 5-8-ci yerlər uğrunda mübarizə aparacaq. Bu gün rəqib İtaliyanın "Kavolano” klubu olacaq.
