İspaniyanın "Selta" klubu Türkiyənin "Trabzonspor" komandasının futbolçusu Okay Yokuşlunu heyətinə qatıb.
Sportnet.az "Habertürk"ə istinadən verdiyi məlumata görə, Viqo təmsilçisi 24 yaşlı yarımmüdafiəçi ilə 4 illik razılıq əldə edib. Oyunçu artıq İspaniya klubunda tibbi müayinədən də keçib. "Selta"nın bu transfer üçün "Trabzonspor"a 6 milyon avro ödəyəcəyi deyilir.
Qeyd edək ki, Okay Yokuşlu 2015-ci ildən "Trabzonsport"da çıxış edir. O, həmçinin Türkiyə millisinin üzvüdür.
