"Sevinirəm ki, oyuna yaxşı qoşuldum, alındı. Amma daha çox komandamızın qalib gəlməsinə görə sevinirəm". Sportnet.az-ın məlumatına görə, bu sözləri millimizlə oyundan sonra İtaliya yığmasının hücumçusu Sebastyan Covinko deyib.
Millidə də Antonio Kontenin rəhbərliyi altında oynamağın başqa bir hiss olduğunu deyən "Yuventus"un forvardı İmmobile - Zaza tandemi barədə də fikir bildirib: "Sözün düzü, Kontenin başçılığı ilə oynamaq mənə həmişə xoşdur. Lakin bunun artıq milli komandada reallaşması bir qədər qəribə gəldi mənə. Lakin hesab edirəm ki, o, milliyə layiqli məşqçidir. Zaza ilə İmmobilenin birliyi əla alınır, məncə, qarşıdakı oyunlarda daha uğurlu olacaqlar. Öz oyunumu da yaxşı qiymətləndirirəm. Zərbəm qapı tirindən çıxdı, təəssüflənirəm. Ümid edirəm ki, gələn dəfə qol olar".
Qeyd edək ki, Covinko İtaliya - Azərbaycan oyununda hesab bərəbərlşəndən sonra meydana çıxdı.
