Fransanın "Nim” klubu Türkiyə təmsilçisi "Konyaspor”un futbolçusu Samuel Eto`Onu transfer etmək üçün azarkeşlərə müraciət edib.
Sportnet.az klubun "Twitter” səhifəsinə istinadən xəbər verir ki, yeni mövsümdə Liqa 1-də mübarizə aparacaq "Nim” 37 yaşlı kamerunlu hücumçunun alınmasından ötrü tərəfdarlından maddi yardım istəyib. Eto`Onun transfer dəyərinin 1 milyon avro olduğu söylənilir.
"Nim” klubunun müraciətinə forvardın özü də reaksiya verib. O, "Twitter” hesabında yumorla bu cür yazıb: "Mən də iştirak edə bilərəm?”
Qeyd edək ki, Eto`O karyerası ərzində İspaniyanın "Real Madrid”, "Leqanes”, "Espanyol”, "Malyorka”, "Barselona”, İtaliyanın "İnter”, "Sampdoriya”, Rusiyanın "Anji”, İngiltərənin "Çelsi”, "Everton” və Türkiyənin "Antalyaspor” komandalarında çıxış edib.
