İtaliyanın "Yuventus" klubunun futbolçusu Kriştianu Ronaldu karyerası ərzində vurduğu ən gözəl qolu açıqlayıb.
Sportnet.az-ın məlumatına görə, portuqaliyalı hücumçu ötən mövsüm İspaniya "Real Madrid"ində çıxış etdiyi vaxt Çempionlar Liqasının 1/4 final matçında hazırkı komandasını Turində məyus etdiyi epizodu fərqləndirib.
"Xatırlayıram ki, həmin vaxt insanlar məni alqışlamağa başladılar və bundan təəccübləndim. Əvvəllər həyatımda belə bir hal baş verməmişdi. İnanılmaz an idi" deyə 33 yaşlı forvard bildirib.
Həmin oyun "Real Madrid"in 3:0 hesablı qələbəsi ilə yekunlaşıb.
Qeyd edək ki, Kriştianu Ronaldu 2009-cu ildən çıxış etdiyi "Real Madrid"dən "Yuventus"a yayda 112 milyon avroya keçib. O, 4 illik müqaviləyə imza atıb.
