Azərbaycanlı FIFA referisi Əliyar Ağayevin başçılıq etdiyi hakimlər briqadası İtaliyada "Latsio" və Kipr "Apollon"u arasında keçirilmiş Avropa Liqasının qrup mərhələsinin ilk tur qarşılaşmasını idarə edib.
Sportnet.az xəbər verir ki, görüş meydan sahiblərinin 2:1 hesablı qələbəsi ilə yekunlaşıb. Hesabı 11-ci dəqiqədə Luis Alberto açıb. 84-cü dəqiqədə Çiro İmmobile penaltidən fərqi artırıb. 88-ci dəqiqədə isə Emilio Zelaya təslli qolunu vurub. Ağayev meydan sahiblərindən 3, qonaqlardan 1 futbolçuya sarı vərəqə göstərib.
