Azərbaycanlı futbolçu Renat Dadaşov Portuqaliya Sequndasında "Eştoril"in heyətində dubl edib.
Sportnet.az-ın məlumatına görə, bu, səfərdə "Akademika" ilə VI tur qarşılaşmasında baş verib. Meydana 65-ci dəqiqədə girən Dadaşov 71 və 90+1-ci dəqiqələrdə komandasının son 2 qolunun müəllifi olub.
7:2 hesablı qələbə qazanan "Eştoril" 12 xalla 4-cü pilləyə yüksəlib.
Qeyd edək ki, Renat Dadaşov U-21 yığmasının Avropa çempionatının seçmə mərhələsində Norveçlə oktyabrın 16-da səfərdə keçirəcəyi son oyuna çağırılmayıb.
