Şotlandiya çempionatının XI turunda "Harts" və "Haybernian" klubları arasında keçirilmiş oyun zamanı azarkeşlər matçı gedişatına müdaxilə ediblər.
Sportnet.az "Sky News"a istinadən xəbər verir ki, oyun epizodlarından birində "Harts"ın qolkiperi Zdenek Zlamal qapı arxasına düşən topu götürən zaman tribunadakı azarkeşlər tərəfindən vurulub.
Çexiyalı qapıçı zərbədən sonra üzünü tutaraq yerə yıxılıb. Başqa bir epizodda isə "Haybernian"ın baş məşqçisi Nil Lennon zərər çəkib. Ona tribunadan dəmir pul atılıb və sikkə mütəxəssisin çənəsinə dəyib.
Polis hər iki faktla bağlı araşdırmalara başlayıb. Artıq beş nəfər şübhəli şəxs qismində saxlanılıb.
Qeyd edək ki, görüş 0:0 hesablı heç-heçə ilə yekunlaşıb.
//
Police are investigating after Hibernian head coach Neil Lennon was struck by a coin and Hearts goalkeeper Zdenek Zlamal was struck by an apparent attack from a supporter during the Edinburgh derby.
— Sky News (@SkyNews) 1 ноября 2018 г.
For more on the story, head here: https://t.co/W3XYaS9CYZ pic.twitter.com/F3VHm6uF8g
