"Ağır meydanda vacib qələbə qazandıq. Çox sevinirəm ki, qalib gəldik və bu qələbədə mənim də payım oldu".
Sportnet.az xəbər verir ki, bunu "Neftçi"nin futbolçusu Mirabdulla Abbasov səfərdə "Keşlə"yə 1:0 hesabı ilə qalib gəldikləri Topaz Premyer Liqasının X tur matçından sonra klubun saytına açıqlamasında deyib. Qələbə topunun müəllifi komandasının çıxışından da söz açıb: "Belə davam edib, rəqiblərlə aramızdakı xal fərqini artırmağa çalışacağıq. Komanda yoldaşlarım gözəl oyun göstərdilər. Onlara və azarkeşlərimizə təşəkkür edirəm”.
Qeyd edək ki, Mirabdulla Abbasov 2-ci dəqiqədə fərqlənib.
