"Neftçi” Topaz Premyer Liqasının 12-ci turunda qarşılaşacağı "Səbail” klubu ilə oyunun hazırlığını davam etdirir.
Sportnet.az xəbər verir ki, komanda bu gün "Türk Hava Yolları Futbol Mərkəzi”ndə məşqə çıxıb. Ruslan Abışov və Məhəmməd Mirzəbəyovun fərdi məşq etdiyi hazırlıq prosesinə əsas və U-21 milli komandaların düşərgəsindən dönən futbolçular da qatılıblar. Haiti yığmasından bu axşam qayıdacaq Soni Mustivar isə sabahkı məşqdə iştirak edəcək.
Xatırladaq ki, "Səbail” – "Neftçi” oyunu noyabrın 25-də "Bayıl Arena”da baş tutacaq və saat 17:00-da start götürəcək.
